����Թ�

Gan adeiladu ar ei safle nodedig o 2il yn y Deyrnas Unedig am Amaethyddiaeth a Choedwigaeth yn The Times/Sunday Times Good University Guide 2024, mae’r brifysgol bellach yn cynnig hyblygrwydd heb ei ail a chyfres o fodiwlau arloesol sydd wedi’u cynllunio i ddatblygu’r genhedlaeth nesaf o arweinwyr ym meysydd coedwigaeth ac amaethgoedwigaeth.

Gyda hanes cyfoethog mewn coedwigaeth sy’n mynd yn ôl i 1904 a thros 4,000 o raddedigion o fwy na 100 o wledydd, mae Prifysgol ����Թ�yn sefyll allan fel esiampl o ragoriaeth mewn addysg goedwigaeth. Mae ei phedair rhaglen MSc nodedig - MSc Amaethgoedwigaeth a Diogelu'r Cyflenwad Bwyd, MSc Coedwigaeth, MSc Coedwigaeth Amgylcheddol, ac MSc Coedwigaeth Drofannol - i gyd wedi'u hachredu gan Sefydliad y Coedwigwyr Siartredig, sy'n tystio i’w henw da am ansawdd a pherthnasedd.

Gan adfyfyrio ynghylch ei phrofiad, dywedodd un o raddedigion diweddar y rhaglen, Rebeca D'Arcy, “Mae wedi bod yn werth chweil astudio am fy MSc yng nghwmni cyd-fyfyrwyr o bob rhan o’r byd, gan ddysgu am wahanol safbwyntiau ac arferion ym myd coedwigaeth. Fe wnes i fwynhau’n arbennig y modiwlau a wnaeth i mi fentro y tu hwnt i’r hyn sy’n gyfforddus i mi.” 

Yn dilyn proses adolygu ac ailddilysu gynhwysfawr, mae'n bleser gan Brifysgol ����Թ�gyhoeddi ei bod yn ehangu’r opsiynau astudio MSc yn sylweddol. Gall myfyrwyr nawr ddilyn eu gradd MSc yn y cnawd (ar y campws) neu drwy ddull dysgu o bell, dros gyfnodau hyblyg o 1, 2 neu 3 blynedd. Mae hyn yn caniatáu i unigolion o bob cefndir i deilwra eu haddysg i'w hanghenion unigryw eu hunain, p'un a yw'n well ganddynt brofiad trochol ar y campws neu’r hwylustod o astudio o bell.

“Rydym yn deall bod angen hyblygrwydd ar fyfyrwyr," meddai Dr Eefke Mollee, cyfarwyddwr MSc Amaethgoedwigaeth a Diogelu'r Cyflenwad Bwyd. “Mae’r cynnig gwell o ran rhaglenni MSc wedi’u cynllunio i rymuso myfyrwyr i gyflawni eu nodau academaidd a phroffesiynol, ni waeth beth fo’u hamgylchiadau. P’un a ydych yn weithiwr proffesiynol, yn rhiant, neu wedi’ch lleoli dramor, gallwch gael mynediad at yr addysg goedwigaeth o safon fyd-eang yr ydym yn ei darparu.”

Ar ben hynny, mae pob rhaglen MSc wedi’i chyfoethogi ag amrywiaeth o fodiwlau newydd, blaengar, gan sicrhau bod gan raddedigion y wybodaeth a’r sgiliau diweddaraf i ddilyn gyrfa lle gallant chwarae rhan flaenllaw wrth fynd i’r afael â’r argyfyngau hinsawdd a bioamrywiaeth, gan gynnal lles dynol a’r prosesau o ran cynhyrchu pren a bwyd. Mae'r modiwlau hynny’n cynnwys y canlynol:

• Hanfodion Pridd a Dŵr: “Meistroli prif egwyddorion rheoli pridd a dŵr er mwyn arbed carbon, lleihau’r perygl o lifogydd a gwneud penderfyniadau gwybodus o ran rheoli tir”
• Pren a Chynhyrchion sy’n Seiliedig ar Goed: Archwilio’r defnydd cynaliadwy o adnoddau pren o fewn economi gylchol yng nghyd-destun arloesi technolegol cyflym.
• Adfer Ecolegol: Dysgu i adfer ac adfywio ecosystemau diraddiedig.
• Gwarchod Coedwigoedd: Deall a lliniaru bygythiadau i iechyd coedwigoedd.
• Cynllunio Busnes ar gyfer yr Economi Werdd: Datblygu sgiliau entrepreneuraidd ar gyfer mentrau cynaliadwy.
• Systemau Gwybodaeth Ddaearyddol ar gyfer Coedwigaeth a Rheoli Tir: Harneisio technolegau geo-ofodol ar gyfer rheolaeth effeithiol er mwyn darparu cymaint â phosibl o wasanaethau ecosystemau ar raddfa tirwedd.

Mae’r modiwlau hyn yn adeiladu ar ein cyfres bresennol o fodiwlau sy’n darparu addysg yn elfennau craidd y pynciau canlynol:

• Coedwigaeth, gan gynnwys Coedwriaeth; Stocrestru, Asesu a Monitro Coedwigoedd; Cynllun Rheoli Coedwigoedd; Ecoleg Coedwigoedd; Materion Cymdeithasol mewn Rheoli Coedwigoedd; Hanes, Polisi a Rheolaeth Coedwigoedd; Coedwigaeth Drefol,
• Amaethgoedwigaeth gan gynnwys Systemau ac Arferion Amaethgoedwigaeth; Rheoli Adnoddau Naturiol; Diogelu’r Cyflenwad Bwyd Byd-eang; Amaethyddiaeth a'r Amgylchedd, a
• Project ymchwil traethawd hir MSc.

Mae’n werth nodi bod y radd arloesol MSc Amaethgoedwigaeth a Diogelu'r Cyflenwad Bwyd yn mynd i’r afael yn uniongyrchol â’r her o gyfuno rheidrwydd diogeledd bwyd yn fyd-eang â chynnal y buddion hanfodol a ddarperir gan goed a choedwigoedd. Yn yr un modd, mae'r MSc Coedwigaeth Amgylcheddol yn rhoi pwyslais cryf ar arferion rheoli coetiroedd sy'n blaenoriaethu gwytnwch a chadwraeth bioamrywiaeth, fel y dangosir gan yr archwiliad manwl o ecoleg coedwigoedd ac adfer ecolegol sy’n rhan o gwricwlwm y cwrs.

Ni waeth beth fo'r dull astudio, mae pob myfyriwr yn cymryd rhan mewn taith astudio breswyl, gan roi cyfle amhrisiadwy ar gyfer rhwydweithio a dysgu ymarferol. Mae'r profiadau trochol hynny’n meithrin ymdeimlad cryf o gymuned ac yn gwella'r defnydd ymarferol o wybodaeth ddamcaniaethol.

"Mae'r teithiau astudio preswyl yn gonglfeini i'r rhaglenni," ychwanega Dr Bid Webb, cyfarwyddwr yr MSc Coedwigaeth Amgylcheddol a’r MSc Coedwigaeth Drofannol. "Maen nhw'n dod â myfyrwyr o gefndiroedd amrywiol ynghyd, gan greu profiad dysgu gwirioneddol fyd-eang."

"Rydym yn hynod falch o natur gynhwysfawr a blaengar y rhaglenni hyn," dywedodd Dr James Walmsley, cyfarwyddwr yr MSc Coedwigaeth. "Mae'r modiwlau newydd a'r opsiynau astudio hyblyg yn adlewyrchu ein hymrwymiad i ddarparu'r sgiliau a'r wybodaeth sydd eu hangen ar fyfyrwyr i wneud gwahaniaeth gwirioneddol ym meysydd coedwigaeth a rheoli tir yn gynaliadwy."

Mae ymrwymiad Prifysgol ����Թ�i ragoriaeth ac arloesedd yn sicrhau bod ei rhaglenni MSc coedwigaeth yn parhau i fod ar flaen y gad ym myd addysg, gan baratoi graddedigion i fynd i’r afael â’r heriau hollbwysig sy’n wynebu coedwigoedd ein planed.

Ynglŷn â Phrifysgol Bangor:

Mae gan Brifysgol ����Թ�draddodiad hir o ragoriaeth academaidd sy’n mynd yn ôl i 1884. Gydag ymrwymiad cryf i addysgu ac ymchwil, mae'r brifysgol yn ymroddedig i ddarparu profiad addysgol trawsnewidiol i fyfyrwyr.