ÌìÌì³Ô¹Ï

Mae Dave yn Athro mewn systemau Defnydd Tir Cynaliadwy. Mae ganddo diddordebau ymchwil sy’n ymwneud a gwneud yn fawr o effeithlonrwydd defnydd maetholion mewn systemau da byw a thocio, a lleihau effeithiau arferion ffermio ar ddŵr, aer a phridd.

Gwyddonydd pysgodfeydd yw Natalie. Mae ei hymchwil yn canolbwyntio ar asesu a rheoli pysgodfeydd bach a physgodfeydd sy’n brin o ddata, gan gynnwys gwerthuso ymyriadau ym maes rheoli pysgodfeydd.

Ecolegydd y môr yw Jan Hiddink. Mae’n canolbwyntio ar sicrhau dealltwriaeth feintiol o effaith aflonyddwch (megis ecsbloetio a newid hinsawdd) ar fioamrywiaeth a gweithrediad cymunedau dyfnforol y môr, a sut mae lliniaru’r effeithiau hynny.

Mae Davey yn Athro Gwyddorau’r Amgylchedd ac Iechyd y Cyhoedd. Mae ei ymchwil yn canolbwyntio ar ddeall prosesau o dan y ddaear gyda ffocws penodol ar faetholion ac ymddygiad pathogenau dynol mewn systemau dŵr-bwyd-pridd-planhigion-microbaidd.

Lewis Le Vay yw cyfarwyddwr Canolfan y Gwyddorau Môr Cymhwysol ac mae ganddo arbenigedd mewn dyframaethu cynaliadwy mewn systemau trofannol a thymherus.

Biolegydd newid byd-eang ac arbenigwr ar lygredd plastig yw Dr Winnie Courtene-Jones. Mae ei hymchwil yn canolbwyntio ar sut mae straenwyr anthropogenig yn effeithio ar organebau a'r amgylchedd.

Darlithydd yng ngwyddor y pridd yw Karina. Mae ei hymchwil yn canolbwyntio ar feintioli a lliniaru nwyon tŷ gwydr amaethyddiaeth. Mae ei hymchwil yn canolbwyntio ar yr amrywioldeb gofodol ac amser mewn allyriadau ocsid nitraidd yn systemau pori’r iseldir a’r ucheldir.

Bu Charlie’n gweithio yn y tîm pysgodfeydd cynaliadwy’n ceisio gwella dealltwriaeth o boblogaethau cramenogion Cymru, ddoe a heddiw, gyda’r nod o gyfrannu at gynlluniau rheoli pysgodfeydd. Mae Charlie hefyd yn ymchwilio ar gyfer PhD. Mae’n ymchwilio i botensial atgenhedlu Cimychiaid Ewrop yn wyneb newid hinsawdd i gefnogi rheolaeth gadarn ar stociau. 

Technegydd Ymchwil a myfyriwr PhD yw Martine. Ymhlith ei diddordebau ymchwil mae asesu effaith, ffawd, ac etifeddiaeth defnydd ffilm tomwellt amaethyddol ar yr agroecosystem. Mae hi'n cyfrannu at y project AgriPlastics a ariennir gan GCRF.

Ymchwilydd Ôl-ddoethurol yng Ngwyddorau’r Amgylchedd yw Emily ac mae ei diddordebau ymchwil yn cynnwys biogeocemeg y pridd, cynhyrchiant glaswelltir a da byw, ac allyriadau nwyon tŷ gwydr. Cyfrannodd at broject gwndwn Amlrywogaeth a ariennir gan SARIC.

Ymchwilydd Ôl-ddoethurol yng Ngwyddor y Pridd yw Rob. Mae ei ymchwil yn canolbwyntio ar ddeinameg carbon y pridd, yn enwedig cylchredeg moleciwlau organig bach a swyddogaeth fiolegol. Mae'n cyfrannu at broject Arddangos Dileu Nwyon Tŷ Gwydr Bio-olosg.

Ymchwilydd Ôl-ddoethurol mewn Biogeocemeg yw Jeewani. Mae ei diddordebau ymchwil ym maes biogeocemeg y priddoedd. Mae hi'n gweithio ar broject Arddangosydd Dileu Nwyon Tŷ Gwydr y Mawndiroedd.

Bu Emer yn ymwneud ag amrywiaeth o brojectau sy’n ymwneud â physgodfeydd ym Mhrifysgol Bangor, sy’n rhychwantu ymchwil effaith potio a gwyddorau cymdeithas ac ar hyn o bryd mae’n gweithio ar fenter twf glas pysgodfeydd a dyframaethu, Môr Ni Gwynedd, gweithio i nodi rhwystrau i dwf y sector, a defnyddio dull a gynlluniwyd ar y cyd i ganfod atebion.

Mae Emily’n gweithio gyda physgotwyr cramenogion ar raddfa fach yn bennaf yng Nghymru ar gyfer Filling in the Gap Crustacean FISP. Mae ei hymchwil yn ceisio deall cyfansoddiad glaniadau pysgodfeydd cramenogion, a'r berthynas rhwng maint cramenogion a newidynnau amgylcheddol i gyfrannu at gynlluniau rheoli pysgodfeydd.

Ecolegydd morol gydag arbenigedd penodol mewn pysgodfeydd a hydroacwsteg yw Jack ac ar hyn o bryd mae’n gweithio ar asesiad stoc Cregyn Bylchog Cymru i Lywodraeth Cymru.

Ecolegydd morol yw Laura sy'n ceisio nodi sut mae amrywioldeb naturiol ecosystemau’n rhyngweithio â gweithgareddau dynol i bennu cyflwr yr ecosystemau, er mwyn deall yn well y defnydd o asesiadau ar gyfer rheoli pysgodfeydd sy'n benodol i'r cyd-destun ac yn ofodol.

Mae Rhianna Parry yn ymrwymo i hyrwyddo ymdrechion cadwraeth, addysg, a llythrennedd sy’n ymwneud â’r môr, gan ganolbwyntio’n benodol ar adfer poblogaeth yr wystrys brodorol yn nyfroedd Cymru trwy broject Wild Oysters #NNF2. Ym Môr Ni Gwynedd, mae Rhi hefyd yn gweithio i gefnogi’r sectorau pysgodfeydd, dyframaethu a bwyd môr yng Ngwynedd. Mae’n anelu at wella bywoliaeth pobl a chreu cyfleoedd i uwchsgilio trwy fentrau twf glas cynaliadwy.

Mae Tim yn ymchwilio i’r effeithiau dyfnforol posibl o bysgota potiau am grancod a chimychiaid.  Bu Tim yn arwain amrywiol brojectau ymchwil cydweithredol a bu’n gweithio gyda phartneriaid a rhanddeiliaid yn y diwydiant morol.

Bu ymchwil Tim, ar y cyd â’r diwydiant pysgota, yn canolbwyntio ar sut mae pysgota ar foroedd ysgafell y Deyrnas Unedig yn rhyngweithio â’r anifeiliaid a’r carbon sy’n gysylltiedig â gwely’r môr. Gwnaed hynny trwy ddefnyddio’r data presennol, ond hefyd trwy gynnal gwaith arbrofol a chasglu data newydd ar y môr. 

Gwyddonydd cadwraeth yw’r Athro Julia Jones gydag arbenigedd neilltuol mewn gwerthuso effaith ymyriadau cadwraeth.

Mae Simon yn astudio bioamrywiaeth mewn biomau amrywiol ac yn asesu cysylltiadau â swyddogaeth ecosystemau, iechyd yr amgylchedd a dynol.

Entomolegydd yw Farnon sy'n arbenigo mewn ecoleg gymunedol, gyda diddordebau neilltuol yn y patrymau a'r prosesau sy'n strwythuro ecosystemau naturiol ac addasedig. Mae gwaith Farnon yn cyfuno ecoleg ddamcaniaethol ag arbrofion i ddeall sut mae perthnasoedd esblygiadol arthropodau trofannol yn dylanwadu ar eu rhyngweithiadau ecolegol. Nod Farnon yn y pen draw yw datblygu fframweithiau damcaniaethol i’w defnyddio i warchod bioamrywiaeth drofannol yn gefn i arferion rheoli cynaliadwy. 

Ymchwilydd ôl-ddoethurol mewn ecotocsicoleg yw Perrine. Mae’n canolbwyntio ar ymddygiad, tynged a chludiant microblastigau mewn ecosystemau daearol ac atmosfferig a rhyngddynt.

Ymchwilydd pysgodfeydd yw Charlie. Mae'n gwerthuso prosesau biolegol Cimychiaid Ewrop mewn hinsawdd sy'n newid i gynorthwyo gyda modelau asesu stoc a dulliau rheoli.

Ymchwilydd PhD yw Ffion. Mae’n asesu effaith gwella cylchrededd systemau ffermio ar liniaru nwyon tŷ gwydr a phroffidioldeb, ac yn archwilio’r rhwystrau a’r cyfleoedd o ran mabwysiadu.