ÌìÌì³Ô¹Ï

Cynhelir y cwrs hwn mewn partneriaeth â Grŵp Llandrillo Menai ac Addysg Oedolion Gwynedd a Môn, fel rhan o’u fframwaith.

Cynnwys y Cwrs

2 awr yr wythnos, gyda'r nos, 4 wythnos. Chwefror 2025, dydd Mercher 6yp i 8yp. Cynhelir yn Prif Adeilad y Celfyddydau.

Mae’r cwrs byr hwn yn ymchwilio i’r ystyriaethau moesegol cymhleth sy’n ymwneud â’r ymarfer o gosbi yn y system cyfiawnder troseddol. Mae'n dechrau trwy archwilio sylfeini athronyddol cosb, gan gynnwys dialedd, ataliaeth, adsefydlu a chyfiawnder adferol. Bydd myfyrwyr yn ymgysylltu â fframweithiau a damcaniaethau moesegol allweddol, megis iwtilitariaeth, deontoleg a moeseg rinwedd, i asesu'n feirniadol y cyfiawnhad moesol dros wahanol fathau o gosb. Bydd y cwrs yn archwilio esblygiad hanesyddol cosb a'i defnydd ar draws gwahanol ddiwylliannau a systemau cyfreithiol. Bydd yn craffu ar faterion cyfoes megis y gosb eithaf, carcharu torfol a’r defnydd o garcharu mewn cell ar eu pen eu hunain, gan werthuso eu goblygiadau moesegol a’u heffaith ar gymdeithas. Bydd myfyrwyr hefyd yn ymchwilio i'r heriau o sicrhau tegwch a chyfiawnder wrth weinyddu cosb, gan fynd i'r afael â phynciau megis cameuogfarnu a thrin poblogaethau bregus.

Deilliannau Dysgwyr

Wythnos 1:
Cyflwyniad i'r sesiynau. 
   - Diffiniad o Gosb a’i Diben
   - Trosolwg o’r Ystyriaethau Moesegol sydd ynghlwm â Chosb
 - Damcaniaethau Cosb:
     - Dialedd
     - Ataliaeth
     - Adsefydlu
     - Cyfiawnder Adferol
   - Fframweithiau a Damcaniaethau Moesegol:
     - Iwtilitariaeth
     - Deontoleg
     - Moeseg Rinwedd

Wythnos 2:
Y Gosb Eithaf
   - Y Dadleuon Moesegol O Blaid ac yn Erbyn y Gosb Eithaf
   - Astudiaethau Achos a Chynseiliau Cyfreithiol
   - Yr Effaith ar Gymdeithas a'r System Gyfreithiol
Carcharu a'r Dewisiadau Amgen
   - Moeseg Carcharu Torfol
   - Carcharu mewn Cell ar eu Pen eu Hunain: Goblygiadau Moesegol a Seicolegol
   - Dewisiadau Cymunedol yn lle Carcharu

Wythnos 3:
Cameuogfarnau ac Aflwyddiant Cyfiawnder
   - Achosion a Chanlyniadau Cameuogfarnau
   - Cyfrifoldebau Moesegol 
   - Astudiaethau Achos Unigolion sydd wedi eu Rhyddhau o Fai
Adsefydlu a Chyfiawnder Adferol
   - Sylfeini Moesegol Adsefydlu
   - Egwyddorion ac Arferion Cyfiawnder Adferol
   - Straeon Llwyddiant a Heriau
Wythnos 4:
Agweddau athronyddol ar foeseg cosb. 

Tiwtor

Lisa Sparkes

Rwy'n Ddarlithydd mewn Troseddeg a Chyfiawnder Troseddol, a Phlismona yn yr Ysgol Hanes, y Gyfraith a Gwyddorau Cymdeithas. Rwyf hefyd yn ymwneud â’r Tîm Ymgysylltu Myfyrwyr, yn cefnogi ein myfyrwyr yn yr ysgol ym Mhrifysgol Bangor.

Mae gen i BA mewn Troseddeg a Chyfiawnder Troseddol ac MA mewn Troseddeg Gymharol o Brifysgol Bangor. Rwyf hefyd yn fyfyriwr PhD blwyddyn olaf, gyda ffocws ar gangiau benywaidd yn y DU.

Mae fy addysgu yn canolbwyntio ar Drosedd, Grym a Chosb, Cyflwyniad i Droseddeg a modiwlau traethawd hir.

Mae'r cwrs yma am ddim.