����Թ�

Mae ein Diploma Ôl-radd newydd mewn Nyrsio Anableddau Dysgu Cymunedol yn Gymhwyster Ymarfer Arbenigol (SPQ) a gynlluniwyd ar gyfer nyrsys cofrestredig sydd am arbenigo mewn darparu gofal cynhwysol o ansawdd uchel ar gyfer plant, pobl ifanc ac oedolion mewn lleoliadau cymunedol. Bydd yn cael ei gyflwyno trwy ddysgu hyblyg ar-lein ac mae'n cefnogi llwybrau astudio llawn amser a rhan amser; mae’n ddelfrydol ar gyfer gweithwyr proffesiynol sy'n cydbwyso ymarfer clinigol gyda datblygiad proffesiynol. 

Mae'r cwrs hwn yn cael ei ddatblygu ar hyn o bryd, ac fe'i cynlluniwyd i ddiwallu anghenion cymhleth ac esblygol pobl ag anableddau dysgu. Bydd yn cefnogi ymarferwyr i ddatblygu gwybodaeth uwch, ymarfer sy'n canolbwyntio ar yr unigolyn, a sgiliau arweinyddiaeth i weithio'n effeithiol mewn lleoliadau amlasiantaethol. Byddwch yn ennill yr arbenigedd i ddarparu gofal cynhwysol, gwella ansawdd bywyd, a hybu tegwch mewn gofal iechyd. 

Cofrestrwch eich diddordeb nawr 

Er nad yw ceisiadau ar agor eto, gallwch gofrestru eich diddordeb heddiw. Drwy lenwi’r ffurflen fer isod, chi fydd y cyntaf i dderbyn diweddariadau, dyddiadau allweddol, ac arweiniad ar sut i wneud cais unwaith y bydd y cwrs wedi’i gymeradwyo’n llawn. 

Ffurflen MYNEGI Diddordeb

Er na ellir gwneud cais am yr cwrs hwn eto, rydym wrthi’n casglu diddordeb gan ddarpar ddysgwyr i’n helpu i lunio’r ddarpariaeth a’r gefnogaeth. 

Pam astudio'r cwrs hwn?  

• Datblygwch eich gyrfa mewn gofal anableddau dysgu o fewn lleoliadau cymunedol 
• Cyfle i wella'ch sgiliau i arwain timau amlasiantaethol a darparu cefnogaeth gyfannol sy'n canolbwyntio ar yr unigolyn 
• Cefnogi ymagweddau cynhwysol, seiliedig ar hawliau at ofal a datblygu gwasanaethau 
• Darpariaeth hyblyg ar-lein wedi'i deilwra i gyd-fynd â'ch bywyd gwaith a'ch ymrwymiadau personol
• Gellwch astudio ochr yn ochr â chymheiriaid o bob rhan o Gymru a’r Deyrnas Unedig, gan rannu ymarfer gorau a meithrin rhwydweithiau proffesiynol
• Mae lleoedd wedi'u comisiynu ar gael i staff a gyflogir gan Fyrddau Iechyd Cymru, gan gefnogi datblygiad proffesiynol o fewn gweithlu'r Gwasanaeth Iechyd Gwladol *  
• Mae’r rhaglen hon yn arwain at gymhwyster mewn Ymarfer Arbenigol y gellir ei gofrestru gyda’r Cyngor Nyrsio a Bydwreigiaeth (NMC) ar ôl cwblhau’r rhaglen yn llwyddiannus *

Mae’r rhaglen hon yn adlewyrchu tueddiadau cyfredol mewn gofal iechyd, lle mae’r pwyslais yn gynyddol ar alluogi pobl i fyw’n dda yn y gymuned a grymuso nyrsys i arwain y newid hwnnw. 

Ydi’r cwrs yma’n addas i chi? 

Mae'r rhaglen hon yn addas ar gyfer nyrsys cofrestredig sy'n ymarfer mewn lleoliadau cymunedol ar hyn o bryd. Efallai eich bod yn un o’r canlynol: 

• Ceisio symud ymlaen yn eich gyrfa 
• Diddordeb mewn gwella canlyniadau gofal a chefnogi integreiddio ar draws gwasanaethau 
• Yn ceisio datblygu arweinyddiaeth ac arloesedd mewn Gwasanaethau anableddau dysgu 

Gofynion mynediad* 

Rhaid i ymgeiswyr fod â’r canlynol: 

• Wedi cofrestru gyda chorff nyrsio statudol am o leiaf blwyddyn 
• Ffafrir gradd 2:1 neu radd dosbarth cyntaf; bydd ceisiadau gan y rhai sydd â 2:2 yn cael eu hystyried yn seiliedig ar eirdaon a datganiad personol 
• Tystiolaeth o fynediad i leoliadau clinigol sy'n cyd-fynd â deilliannau dysgu'r rhaglen 
• Meddu ar wiriad uwch cyfredol gan y Gwasanaeth Datgelu a Gwahardd (DBS)  
• Darparu datganiad personol cryf a geirda proffesiynol 

Rydym yn croesawu ceisiadau gan ddysgwyr hŷn a'r rhai sy'n dychwelyd i addysg ar ôl seibiant gyrfa. 

*yn amodol ar gymeradwyaeth a dilysiad terfynol y cwrs.