ÌìÌì³Ô¹Ï

Ceir cyfoeth o ymchwil sy’n dangos bod rhaglenni magu plant sy'n seiliedig ar dystiolaeth yn gweithio ond mae llawer llai yn gofyn sut a pham maent yn gweithio. Mae’n aml yn heriol i ddarparwyr gwasanaethau nodi ymyriadau effeithiol o ystyried y cannoedd o raglenni sydd ar gael, ond yr un mor bwysig, canfod pa adnoddau a lefelau arbenigedd sydd eu hangen i weithredu’r ymyriad dan sylw mewn modd effeithiol yn eu gwasanaeth. Mae darparu ymyriadau fel y bwriadwyd yn wreiddiol gan y datblygwr, a elwir yn gywirdeb gweithredu, yn bwysig gan ei fod yn sicrhau bod plant a theuluoedd yn cael mynediad at gymorth effeithiol. Mae deall yr heriau a wynebir gan ddarparwyr gwasanaethau wrth roi ymyriad ar waith yn rhan hanfodol o sicrhau cywirdeb gweithredu.

Un o'n nodau yw rhoi ymyriadau sy'n seiliedig ar dystiolaeth ar waith ar raddfa fawr. I wneud hyn mae’r Ganolfan Ymyrraeth Gynnar ar Sail Tystiolaeth yn gweithio'n agos gyda darparwyr gwasanaethau i nodi a mynd i'r afael â heriau i weithredu effeithiol. Mae ein hymchwil yn nodi'r ffactorau sy'n gysylltiedig â gweithredu llwyddiannus ac yn lledaenu'r wybodaeth hon i ddarparwyr